ৰাজ্যবাসীক শাৰদীয় দূৰ্গাপূজাৰ শুভেচ্ছা মূখ্যমন্ত্ৰীৰ
শিৱসাগৰত সৰ্প বন্ধু ৰূপে পৰিচিত বিশ্বজিৎ বৰুৱাৰ মৃতদেহ উদ্ধাৰ
শিৱসাগৰৰ পহুগঁড়ত এজন প্ৰকৃতিপ্ৰেমীৰ মৃতদেহ উদ্ধাৰ হোৱা ঘটনাই চাঞ্চল্যৰ সৃষ্টি কৰিছে ৷ মৃতদেহটো শিৱসাগৰত সৰ্পবন্ধু হিচাপে খ্যাত বিশ্বজিৎ বৰুৱা(৪৭ বুলি জানিব পৰা গৈছে । তেওঁৰ ঘৰ জয়সাগৰৰ জয়ানগৰ অঞ্চলত ৷ প্ৰকৃত ঘটনা কাৰণ এতিয়াও জানিব পৰা নাই | হাজাৰ ও অধিক সৰ্প উদ্ধাৰ কৰিছিল বুলি জানিব পৰা গৈছে বিশ্বজিৎ বৰুৱাই | শেহতীয়াকৈ অনুষ্ঠিত হোৱা স্বাধীনতা দিৱসত সৰ্পমিত্রৰ সম্মান প্ৰদান কৰিছিল শিৱসাগৰ জিলা প্রশাসনে | ডিঙিত চিপ লৈ থকা অৱস্থাত উদ্ধাৰ হৈছে বিশ্বজিৎ বৰুৱাৰ মৃতদেহ । উল্লেখ্য যে,বৰুৱাক এখন টেবুলত আঠুকাঢ়ি থকালৈ লক্ষ্য কৰি ৰাইজে এই ঘটনাক আত্মহত্যাৰ পৰিৱৰ্তে পৰিকল্পিত হত্যাকাণ্ড বুলি সন্দেহ কৰিছে ৷ জানিব পৰা মতে, বুধবাৰে নিশা ৮ বজাত তেওঁ ঘৰৰ পৰা উলাই গৈছিল ৷ নিশা ১২ বজাত এজন যুৱকে পৰিয়ালৰ লোকলৈ ফোন কৰি বিশ্বজিতে আত্মহত্যা কৰা বুলি জানিবলৈ দিছিল ।
Comments
Post a Comment